Xəbərlər
ƏZİZƏ AĞAHÜSEYNQIZI : MƏKTƏB YOLLARI - FOTO
Bu yol məktəb yoludur.
Keçəndə kövrəlirəm,
Müqəddəsdir, uludur,
Bu yol məktəb yoludur.
Bu yollarda keçibdi,
Uşaqlığım, gəncliyim.
Qayğılarla yoğrulub,
Olmayıb ki, dincliyim.
Ömür ötüb keçsə də,
Unudulmur o illər.
Adı dilə gələndə,
Sızıldayır könüllər.
Bir ömür unutmadım,
İlk dərsin həyəcanın.
İndi ilk zəng çalınır,
Bir dəqiqə dayanın!
Deyin, hanı o uşaq?
Gəlib dursun cərgədə.
Bir azdan-Vətən sözün,
Yazar müəllim lövhədə.
Yaz, əlinə qurbanam,
Tut əlimdən müəllim.
Ana sözün yaz mənə.
Təbaşir bulaşıqlı
Həsrətəm o kəlmənə.
Budur, ilk zəng çalınır,
Baxıb gözlərim dolar.
Deyirəm ki, dünyada,
Ömürlərin son zəngi,
Çalınmasın nə olar!
15.09.2026
Nəvəm Məhəmmədi 5 - ci sinifə qədəm qoyması münasibətilə təbrik edir, sinif yoldaşlarına, müəllimlərinə can sağlığı, təhsil uğurları arzulayıram..
