Noyabrın 28-də Aşqabadda Azərbaycan xalqının Ümummilli Lideri Heydər Əliyevin 100 illik yubileyi münasibətilə “Heydər Əliyev – Türkmənistan və Azərbaycan qardaşlığı” adlı konsert və fotosərgi təşkil olunacaq.

Azərbaycanın Türkmənistandakı səfirliyindən AZƏRTAC-a bildiriblər ki, Aşqabadın Muğam Sarayında keçiriləcək fotosərgidə Ulu Öndər Heydər Əliyevin həyat və fəaliyyətini, eləcə də Azərbaycan-Türkmənistan diplomatik münasibətlərinə dair fotolar nümayiş etdiriləcək.

Muğam Sarayında Azərbaycanın “Muğam” qrupunun və Türkmənistanın dövlət simfonik orkestrinin birgə iştirakı ilə “Heydər Əliyev – Türkmənistan və Azərbaycan qardaşlığı” adlı konsert keçiriləcək. Konsertdə Azərbaycanın xalq və bəstəkar mahnıları ifa olunacaq.