ABŞ ordusu əsas vəzifələri sırasına hipersəs raketləri sistemlərinin təkmilləşdirilməsi, eləcə də onlardan çox səviyyəli müdafiə sisteminin yaradılması daxildir.

Turaztv.az AZƏRTAC-a istinadən xəbər verir ki, bunu ABŞ Müdafiə Nazirliyinin Raketdən Müdafiə Agentliyinin icraçı direktoru Laura Desimon deyib.

“Biz bəzi rəqiblərimizin hipersəs raketlərini sınaqdan keçirdiklərini gördük. Bu vacibdir, çünki o, mümkün müdafiənin bəzi əsas parametrlərini dəyişdirir. Hipersəs raketləri bizim adi müdafiə üsullarımıza meydan oxuyur. Hazırda hipersəs raketlərini tanımaq üçün sistemlər hazırlamağımız və onları məğlub etmək üçün çoxqatlı müdafiə qurmağımız çox vacibdir”, - deyə o, sözlərinə əlavə edib.

“Defence News” saytı Amerikanın “Raytheon” korporasiyasında raketdən müdafiə sistemlərinin hazırlanmasına cavabdeh olan Cennifer Hubbardla müsahibəni də yayımlayıb. O qeyd edib ki, hazırda ABŞ-da mövcud olan vasitələr əsasən hipersəs raketlərini “hədəfə yaxınlaşma mərhələsində” məhv etmək üçün nəzərdə tutulub.