Xəbərlər
7.07.2023, 15:07
Dəyərli dostlar, yazarlar, media mənsubları! - FOTO
Dəyərli dostlar, yazarlar, media mənsubları!
8 iyul 2023-cü il saat 12.00-da Bakı şəhəri Əhməd Rəcəbli küçəsində yerləşən “Baku pro-servis”in 4-cü mərtəbəsində Dayaq Vətən Müharibəsi Əlillərinə və Şəhid Ailələrinə Dəstək Təşkilatının ofisinin konqres zalında nakam şairimiz Alim Məhərrəmlinin ölümündən sonra çapdan çıxan “Hardasan, evi tikilmiş...” kitabının təqdimat mərasimi keçiriləcək.
Təqdimat mərasimində kitabın ərsəyə gətirilməsi zərurəti ilə ilgili məqamlara toxunulacaq. Tədbirdə həmçinin Alim Məhərrəmlinin təkrarsız yaradıcılığı barədə müxtəlif səpkili - ədəbi dəyərləndirmə, ədəbi tənqid prizmalı yazıların müəllifləri də iştirak edərək şairin haqqında öz fikirlərini səsləndirəcəklər.
Bir qədər nostalji, bir qədər poetik ruhlu təqdimat mərasimində əsl poeziyaya dəyər verən hər kəsi görməkdən məmnun olarıq. Bu tədbirdə şairin dostları, doğmaları, bütün alimsevərlərlə birgə iştirakımız, həm də xalqımızın nakam istedadlı şair oğlunun ruhuna əvəzsiz hörmət nümunəsi olacaqdır. Ona görə də hər birinizin dəvəti dəyərləndirəcəyinizə inanırıq.
Zəruri xatırlatma: Tədbirin məkanının Google-xəritəsini də sizlərə təqdim edirik.
https://maps.app.goo.gl/UnKyCTL8to2462gg7
Nəzirməmməd ZÖHRABLI
Son xəbərlər
Ən çox oxunanlar
- Bu gün
- Bu həftə
- Bu ay
