Yanvar ayından indiyədək ölkə üzrə 15 kənd və 25 yaşayış massivinin qazlaşdırılması işləri yekunlaşıb. Daha 23 kənd və 19 massivin qazlaşdırılması davam etdirilir.

Turaztv.az AZƏRTAC-a istinadən xəbər verir ki, bu sözləri mətbuat nümayəndələrinə Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev deyib. O bildirib ki, 11 kənd və 14 yaşayış massivində işlər başa çatmaq üzrədir. Onun sözlərinə görə, qazlaşdırılma prosesi yekunlaşan ərazilərdə işlər yenicə görülməsinə baxmayaraq, qazın verilməsi prosesi tam təhlükəsiz şəkildə həyata keçirilir.

Eldəniz Vəliyev, həmçinin cari ilin sonunadək 59 kənd və 102 yaşayış massivinin qazlaşdırılmasının nəzərdə tutulduğunu da qeyd edib.