Mayın 17-də Bakı Fond Birjasında (BFB) “Partner Finance” QSC-nin ümumi dəyəri 500 min manat olan istiqrazlarının yerləşdirilməsi rəqabətli hərrac üsulu ilə həyata keçiriləcək.

BFB-dən AZƏRTAC-a bildirilib ki, faizli, təminatsız sənədsiz adlı istiqrazların sayı 500 ədəd, nominal dəyəri min manat, illik faiz dərəcəsi 10 faiz, tədavül müddəti 3 təqvim ilidir. Yerləşdirmə üzrə anderrayter “AzFinance İnvestisiya Şirkəti” QSC-dir. İstiqrazların emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə etmək olar.

Qeyd edək ki, mayın 15-də Bakı Fond Birjasının Listinq Komitəsinin qərarı ilə “Partner Finance” QSC-nin ümumi dəyəri 500 min manat olan istiqrazları standart bazar seqmentində listinqə daxil edilib.