QIZBƏS QƏBƏLƏ: XOCALI GENOSİDİ

Xəbərlər

26.02.2023, 21:03

QIZBƏS QƏBƏLƏ: XOCALI GENOSİDİ - FOTO

XOCALI GENOSİDİ

Şəkillərə baxdıqca,
Yanır bağrımın başı..
Varaqlara tökülür,
İxtiyarsız göz yaşı...

Otuz ildir ki, xalqım,
Bu dərdə yas saxlayır.
Xocalı vəhşətinə,
Ağı deyib, ağlayır...

Xocalıya o gecə,
Kimsə kömək olmadı...
Göyə - ərşə dayandı,
İnsanların fəryadı...

Qoca, uşaq qaçırdı,
Ayaqyalın, başaçıq.
Qaldı neçə insanın,
Ömrü o gün yarımçıq...

Şaxta, çovğun, qar, külək,
İşləyirdi iliyə,
Vəhşi düşmən baxmırdı,
Nə ölüyə, diriyə...

Dönmüşdü qan gölünə,
Xocalının çölləri,
Donmuşdu adamların,
Ayaqları, əlləri...

Süngüdən keçirirdi,
Düşmən yaralıları.
Bax o gecə qocaldı,
Xocalı uşaqları...

Al qana boyanmışdı,
Qarlı düzlər, meşələr.
İnsan cəhədlərindən,
Açılmışdı lalələr..

Acizəm, təsvir edim,
O gecəni mən necə ?!
Sanki qəh - qəh çəkirdi ,
İblis özü o gecə...

Allahım, bu zülmü sən,
Qoyma nə olar yerdə.
Daş da davam eyləməz,
Vallah bu zülmə, dərdə...

Ancaq kar olub dünya,
Eşitməyir bu ahı.
Neçə ildir ümidlə,
Açır bu xalq, sabahı...

Nə qədər qalacaqdır,
İnsanlar axı yasda ?
Xocalı bənzəmirmi,
Xatına, Holokosta ?!

Nə zaman veriləcək,
Bu müsibətə qiymət,
Dünya ! Tələb edirəm
Xocalıya Ədalət !!!,