Bu gün qadın voleybolçular arasında Azərbaycan Yüksək Liqasında ikinci turdan təxirə salınan “Murov” - UNEC oyunu keçirilib.

Turaztv.az AZƏRTAC-a istinadən xəbər verir ki, Voleybol Mərkəzində təşkil olunan qarşılaşma baş məşqçi Vüqar Əliyevin komandasının üstünlüyü ilə başlayıb. İlk hissədə 25:12 hesabı ilə qalib gələn “Murov” sonrakı setləri də aktivinə yazıb - 25:12, 25:9.

Beləliklə, quru hesablı qələbə qazanan "Murov" xallarının sayını 6-ya çatdırıb. İkinci turdan sonra aktivində 6 xalı olan “Azərreyl” və “Murov” turnir cədvəlində 1-2-ci yerdə qərarlaşıblar. “Abşeron” və UNEC-in isə xalı yoxdur.