Xəbərlər
11.12.2022, 20:36
ÖLƏNDƏ RƏHMƏTİN OLSUN
ÖLƏNDƏ RƏHMƏTİN OLSUN
Ucalmağın enməyi var,
Od almağın sönməyi var,
Qocalmağın ölməyi var,
Ölməmiş hörmətin olsun,
Öləndə rəhmətin olsun.
Dünyanı tərk edəcəksən,
Dübarə gəlməyəcəksən.
Apara bilməyəcəksən,
Nə qədər sərvətin olsun,
Öləndə rəhmətin olsun.
Nələr görür bu das qaya,
Sellər axır gedir çaya.
Bu dünyadan o dünyaya,
Bir azca vəhdətin olsun,
Öləndə rəhmətin olsun.
Bax ölçüyə, bax arşına,
Əkdiyin çıxar qarşına.
Sığal çək yetim başına,
Qoy cənnət qismətin olsun,
Öləndə rəhmətin olsun.
Bu məlumun, bu məchulun,
Pozma həyatın məzmunun.
Kəsmə haqqını məzlumun,
Vicdanın, qeyrətin olsun,
Öləndə rəhmətin olsun.
Tale hər kəsin qədəri,
Həm sevinci, həm kədəri.
Çəkmə dara Bəradəri,
İnsafın, mürvətin olsun,
Öləndə rəhmətin olsun.
Bəradər Səməndərli
(Xanəliyev)
10.12.2022
Ucalmağın enməyi var,
Od almağın sönməyi var,
Qocalmağın ölməyi var,
Ölməmiş hörmətin olsun,
Öləndə rəhmətin olsun.
Dünyanı tərk edəcəksən,
Dübarə gəlməyəcəksən.
Apara bilməyəcəksən,
Nə qədər sərvətin olsun,
Öləndə rəhmətin olsun.
Nələr görür bu das qaya,
Sellər axır gedir çaya.
Bu dünyadan o dünyaya,
Bir azca vəhdətin olsun,
Öləndə rəhmətin olsun.
Bax ölçüyə, bax arşına,
Əkdiyin çıxar qarşına.
Sığal çək yetim başına,
Qoy cənnət qismətin olsun,
Öləndə rəhmətin olsun.
Bu məlumun, bu məchulun,
Pozma həyatın məzmunun.
Kəsmə haqqını məzlumun,
Vicdanın, qeyrətin olsun,
Öləndə rəhmətin olsun.
Tale hər kəsin qədəri,
Həm sevinci, həm kədəri.
Çəkmə dara Bəradəri,
İnsafın, mürvətin olsun,
Öləndə rəhmətin olsun.
Bəradər Səməndərli
(Xanəliyev)
10.12.2022
Son xəbərlər
Ən çox oxunanlar
- Bu gün
- Bu həftə
- Bu ay
