Azərbaycan Respublikası Silahlı Qüvvələr Günü- Azərbaycan Silahlı Qüvvələrinin yaranma tarixi kimi qeyd edilən rəsmi bayramdır. 1918-ci il 26 iyun tarixli fərmanla Azərbaycan Milli Ordusu yaradıldı.Tarixi varislik ənənəsinə uyğun olaraq Prezidentin fərmanı ilə Azərbaycan Xalq Cümhuriyyətidövründə Milli Ordunun yarandığı 26 iyun günü Azərbaycan Silahlı Qüvvələri Günü kimi bayram edilir.
Ermənistan Respublikası ölkəmizə qarşı 2020-ci il sentyabrın 27 -də hərbi təcavüz etdi.Azərbaycan Respublikası Silahlı Qüvvələri Ali Baş komandanınrəhbərliyi altında işğal altındakı torpaqlarımızın azad edilməsi məqsədilə Vətən müharibəsinə başladı.44 günlük Vətən müharibəsində 2738 nəfər hərbi qulluqçu həlak olmuş, yüz nəfərdən artıq itkin düşmüş,min nəfərdən artıq hərbi qulluqçumuz yaralanaraq sağlamlığını itirmişdir.İşğal altında olan torpaqlarımız qəhrəman şəhidlərimiz əsgər və zabitlərimizin, qazilərimizin qanı və canı bahasına azad olundu.
Döyüşlərdə mənfur düşmənə ağır zərbə vuran, layiqli dərs verən, adına qəhrəmanlıq salnaməsi yazdıranlardan biri də əzizimiz - Niyaməddin Hüsaməddin oğlu Sultanzadədir.
Niyaməddin Sultanzadə 10 sentyabr 1988-ci ildə Masallı şəhərində anadan olmuşdur. 2005-ci ildə Şəhər 1 saylı tam orta məktəbdə təhsil almağa başlamış, 2016-cı ildə həmin məktəbi bitirmişdir.Azərbaycan Dövlət Aqrar Universitetinin aqronomluq fakültəsinin qiyabi 2- ci kurs tələbəsi idi. 10 oktyabr 2018- ci il tarixindən 3 saylı Regional Su Kanal İdarəsinin Masallı Su Kanal sahəsində xlorator su təmizləyici qurğularının operator peşəsi üzrə çalışırdı.Subay idi. Arzuları vardı...
Niyaməddin 2016-2017- ci illərdə hərbi xidmətdə olub.O, Azərbaycan Respublikasının ərazi bütövlüyü uğrunda 27 sentyabr 2020-ci il tarixdə başlayan Vətən müharibəsinə könüllü olaraq, qoşulmuş, Cəbrayıl və Füzuli, Qubadlı rayonlarında düşmən hücumunun qarşısının alınmasında şücaət göstərmiş, 6 noyabr 2020-ci il tarixində Qubadlı rayonunda gedən döyüşlərdə qəhrəmancasına şəhid olmuşdur.Azərbaycanın cəsarətli oğulları kimi müqəddəs amal uğrunda canını fəda etməklə əbədiyyətə qovuşdu.
Vətən müharibəsində Azərbaycan Bayrağını işğaldan azad edilən torpaqlarımızda dalğalanmış, ölkəmizin ərazi bütövlüyü uğrunda canlarını fəda etmiş bütün şəhidlərimizin ruhu qarşısında baş əyirəm!
Bayramınız mübarək Qəhrəman Ordumuz!!!

Mehriban Sultanova,
Şəhid anası, YAP Masallı rayon təşkilatı,
şəhər 1 saylı məktəb ərazi partiya təşkilatının sədri