XATİRƏ İSMAYILOVA

1993- cü il iyunun 16-da isə adı fəxr, qürurla daşınan Elçinimiz bu dünyaya qədəm qoymuşdu..
Bu Elçinimizdən sonra adı verilən 10- cu Elçinimizdir.Bu dəfə isə o, Elçinimin ən yaxın dostunun ,can qardaşının - Sərxanın oğludur.
Elçinlə Sərxanın dostluğu adi dostluq deyildi.Onlar qan qardaşı olmasalarda da ürək qardaşı idilər. Həyatı , qayğıları ,arzuları , düşüncələri və hissləri birlikdə bölüşən iki insan…Zamanın sınağından keçib , ayrılığın bitirə bilmədiyi dostluq…
Qəlbində adını pıçıldayanda ürəyi yanğıdan sızıldayan dostunun adı artıq hər gün Sərxanın dilində ucadan , həm də ümid ,sevinc və qürurla səslənəcək .
Elçin adlı bir körpə böyüdükcə o evdə …dostluğun , sədaqətin , vəfanın da dəyəri böyüyəcək insanların gözündə ..
Bu “Sən yanımda olmasan da ruhun ruhumda , sevgin qəlbimdə , adın dilimdə , xatirən evimdə hər zaman yaşayacaq , əziz dost , şəhid qardaşım ,Elçinim!!!”- deməyin ən gözəl ifadəsidir məncə ..
Allah balaca Elçinimizə uzun , sağlam və xoşbəxt bir ömür nəsib etsin. Qoy o adını daşıdığı Elçin kimi mərd , ləyaqətli , vicdanlı , Vətənini sevən bir oğul olsun . Dostluğun qədrini bilməyi isə artıq atası ona doğulduğu gündən anlatmağa başlamışdır.
Dostluğun ən ali məqamı budur: insan özü getsə də , adı bir dostunun evində bir övladın taleyinə çevrilər .
Elçinlə Sərxanın dostluğu da belə dostluq idi - zamandan ,məsafədən və ölümdən uca olan dostluq
Şəhid Elçinimizin adını daşıyan bütün körpələrə ruhu şəfaətçi olsun !