ATATV.AZ xəbər verir ki, Abşeron rayon Mehdiabad qəsəbə qəbirstanlığında Şəhidlər Xiyabanı üçün xüsusi yer ayrılıb. Abşeron Rayon İcra Hakimiyyətinin başçısı Abdin Fərzəliyevin göstərişi ilə ayrılan ərazidə ancaq Abşeron rayon və Sumqayıt şəhərindən Vətən savaşında həlak olan 400 şəhidin böyüdülmüş plakatı yerləşdiriləcək. Hazırda ayrılan boş torpaq sahəsi hasara alınıb və daxilində hazırlıq, abadlıq işləri görülür. Çınqıl və qum ehtiyyatı tökülərək ərazi plakatların yerləşdirilməsi üçün tam hazır vəziyyətə gətirilir.
Məlumat olaraq bildirək ki, həmin qəbirstanlıqda yeganə şəhid məzarı var ki, o da ikinci Qarabağ savaşının şəhidi Heydərov Ədalət Qadir oğluna məxsusdur. Məhz bu idea da şəhid atası Ədalət Heydərovun xahişi ilə həyata keçirilib. Məzarlıqda tək uyuyan oğulunun ruhu şad olsun deyə, ərazidə onun məzarlığına yaxın yerdə şəhidlərin xatirə kompleksinin yaradılması təklifi yerinə yetirilib. Bu barədə ATATV.AZ-a müsahibə verən ata işlərin may ayına qədər yekunlaşacağını bildirdi.
“Mənim oğlum burda Mehdiabad qəbirstanlığında şəhid kimi tək idi. Bu təkliyi aradan qaldırmaq üçün təşəkkür edirəm Abşeron rayon icra hakimiyyəti başçısı Abdin Fərzəliyevə yəqin ki, burda Şəhidlər Xiyabanı yaradılır. Burda abadlıq işləri gedir. Burda Abşeron rayonundan olacaq, Sumqayıt şəhərindən olacaq. Hardasa 400-ə yaxın şəhidin plakatı olacaq. Bizim indi bircə amal üçün yaşayırıq, ancaq şəhidlərimizin xatirəsini unutmayaq. Yalnız öz oğlumdan getmir. Mənim əlimdə olsaydı bütün şəhdilərin şəkillərini vurardım.Gediləcək yerə qədər şəhid şəkilləri vurulacaq. İnşəallah may ayının 11-nə qədər yekunlaşacaq, oğlumun ad gününə qədər”
Qeyd edək ki, Qadir Ədalət oğlu Heydərov 11 may 1998-ci ildə Cəlilabad rayonunun Əsədli kəndində doğulub. O, Bakı şəhərindəki 59 saylı məktəbdə 5-ci sinfə qədər oxuduqdan sonra təhsilini Abşeron rayonunun Mehdiabad qəsəbəsindəki 1 saylı tam orta məktəbdə davam etdirib və həmin məktəbi 2016-cı ildə bitirib. O, 2016-cı ilin oktyabr ayında Cəlilabad rayonundan hərbi xidmətə yollanıb və 2018-ci ildə xidməti başa vuraraq evə qayıdıb.
Qadir Heydərov İkinci Qarabağ savaşı başlanan gündən səfərbərliyə qoşulub ön cəbhəyə gedib. Qəhrəman döyüşçü kimi Qubadlı, Zəngilan, Cəbrayıl istiqamətlərində gedən qızğın döyüşlərdə fəal iştirak edib.
Heydərov Qadir Ədalət oğlu 29 oktyabr 2020-ci ildə Qubadlı döyüşləri zamanı şəhid olub.
24 yaşlı şəhidimiz Qadir Heydərov Abşeron rayonu, Mehdiabad qəsəbəsində dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin Sərəncamlarına əsasən Qadir Heydərov ölümündən sonra "Vətən uğrunda", "Cəbrayılın azad olunmasına görə" və "Qubadlının azad olunmasına görə" medalları ilə təltif edilib.
Rasafil Bayramov
İXA MMC və ATATV.AZ xəbər portalının rəhbəri
Günel İsayeva
ATATV.AZ xəbər portalının xüsusi müxbiri