Təhsil Nazirliyi Respublika Uşaq-Gənclər İnkişaf Mərkəzi və Bakı Şəhər Gənclər və İdman Baş İdarəsinin təşkilatçılığı, Azərbaycan Respublikası İdman Rəqsləri Federasiyası İctimai Birliyinin təşəbbüsü və əməkdaşlığı ilə Respublika Uşaq-Gənclər İnkişaf Mərkəzində idman bal rəqsləri üzrə Bakı birinciliyi və çempionatı təşkil olunub.

Turaztv.az AZƏRTAC-a istinadən xəbər verir ki, müsabiqə 12 kateqoriyada 3 yaş qrupu (6-10, 11-15, 16-21), Avropa standart və Latın Amerika proqramı, duet və solo ifaçıları nominasiyaları üzrə keçirilib.

Pandemiya qaydalarına uyğun təşkil olunan uşaq, yeniyetmə və gənclər arasında keçirilən çempionatda 75 iştirakçı birincilik uğrunda mübarizə aparıb.

Tədbiri açıq elan edən Təhsil Nazirliyi Respublika Uşaq-Gənclər İnkişaf Mərkəzinin direktoru Firuzə Sultan-zadə iştirakçılara uğurlar arzulayıb.

Uşaq, yeniyetmə və gənclər arasında keçirilən idman bal rəqsləri üzrə Bakı birinciliyi və çempionatında 6-10 yaş qrupu üzrə I yerə Rüfət Mikailov, Ameliya Muradova, II yerə Kərim Səfərli, Viktoriya Mineyeva, III yerə Murad Hüseynov, Karolina Kazakova, 11-15 yaş qrupu üzrə I yerə Qaflan Abbasov, Anastasiya Kşnyakina, II yerə Raul Əliyev, Darya Kşnyakina, III yerə Vasiliy Lebedev, Selena Qrızak, 16-21 yaş qrupu, Standart və Latın proqramı nominasiyası üzrə I yerə Fərhad Ağayev, Valeriya Kovalyova, II yerə Timur Şevçenko, Elza Yeliseyeva, III yerə Riad Quliyev, Aylin Quliyeva, 16-21 yaş qrupu, solo Standart və Latın proqramı nominasiyası üzrə I yerə Nigar Novruzova, II yerə Ülviyyə Əhmədova, III yerə Aynur İsmayılova layiq görülüblər.

Qeyd edək ki, yarışmaya RUGİM, “Olimp” idman klubu, “Rovesnik” rəqs dərnəyi, “Azəri inciləri”, “1001 gecə”, “Harmony dance”, “İmpuls rəqs”, “Şane rəqs” studiyalarından iştirakçılar qatılıblar.

İdman bal rəqsləri üzrə Bakı birinciliyi və çempionatında baş hakim qismində Azərbaycan Respublikası İdman Rəqsləri Federasiyası İctimai Birliyinin Hakimlər Kollegiyasının üzvü Məryəm Quliyeva və baş katib Fərid Mehdiyev iştirak ediblər.
Sonda yarışın qaliblərinə medal və diplom təqdim olunub.