Artan pandemiya təhlükəsi ilə əlaqədar olaraq ABŞ-a xaricdən hava yolu ilə gələn bütün şəxslər karantinə yerləşdiriləcək.

TASS agentliyi xəbər verir ki, bu barədə Ağ Evdə çıxış edən ABŞ-ın yeni seçilmiş prezidenti məlumat verib.

“COVID-19-un yeni növünün yaranması ilə əlaqədar olaraq başqa ölkələrdən hava yolu ilə gələn şəxslərə qarşı yeni tədbirlər həyata keçirəcəyik. Maska taxmaqla yanaşı, başqa bir ölkədən təyyarə ilə ABŞ-a gələn hər kəs öncədən analiz verməli, ABŞ-a daxil olandan sonra karantinə yerləşdirilməlidir”, - deyə Birləşmiş Ştatların yeni prezidenti vurğulayıb.

Lakin C.Bayden koronavirusa qarşı yeni tədbirlərin tam olaraq nə zaman qüvvəyə minəcəyinə aydınlıq gətirməyib.