Qəsdən adam öldürməyə görə 11 il həbs

Adam öldürməyə cəhddə ittiham edilən Camal Hüseynovun cinayət işi üzrə məhkəmə prosesi başa çatıb.
Bizimyol.info xəbər verir ki, cinayət işinə Bakı Ağır Cinayətlər Məhkəməsində baxılıb. Hakim Ramella Allahverdiyevanın sədrlik etdiyi kollegiyanın hökmü ilə Camal Hüseynov 11 il müddətinə azadlıqdan məhrum edilib. O, Cinayət Məcəlləsinin 29.120-ci (qəsdən adam öldürməyə cəhd) və 228-ci (soyuq silah saxlama) maddələri təqsirli bilinib.
Hadisə 2018-ci il sentyabrın 8-də Dövlət Sərhəd Xidmətinin (DSX) N saylı hərbi hissəsində baş verib. 1997-ci ildə Cəlilabad rayonunda anadan olmuş, Silahlı Qüvvələrə 2018-ci ilin iyul ayında çağırılmış əsgər İsgəndərov Ceyhun İsa oğlu mülki şəxs tərəfindən bıçaqlayıb.
Hadisəni törədən 1986-cı il təvəllüdlü, Ağdam rayon sakini Hüseynov Camal Saleh oğlu saxlanılıb.
Camal Hüseynov hərbi hissəyə gələrək yalandan əsgər Ceyhun İsgəndərovun valideynlərinin göndərişi ilə onunla görüşə gəldiyini deyib. Orada qəfildən əsgərin döş və qarın nahiyəsinə özü ilə gətirdiyi bıçaqla 3 zərbə endirib.
Yaralı əsgər Sumqayıt təxirəsalınmaz təcili tibbi yardım xəstəxanasına çatdırılıb. Onun həyatını xilas etmək mümkün olub.
C.Hüseynov cinayəti şəxsi münasibət zəminində törətdiyini bildirib. Belə ki, Camal Hüseynov hadisəni namus üstündə törətdiyini deyir.
Camal Hüseynov iddia edir ki, Ceyhun əsgərliyə getməmişdən əvvəl onun xanım qohumuna sataşıb, o da qisas almaq üçün əsgərlər görüşə gedib və hadisəni törədib.