Xəbərlər
17.07.2026, 08:45
Məmməd Qədir : Bezimdən keçib gəldim - FOTO
Çatmaqçın bir toya, yüz
Hüzndən keçib gəldim.
Hər dərdim bir ağır gürz,
Yüzündən keçib gəldim.
Çatdım, şənlik deyildi,
Quzu əmlik deyildi,
Kefi mənlik deyildi,
Üzümdən keçib gəldim.
Soruşmadım, mən niyə?
Dərdinə durdum yiyə,
Əyri düzəlsin deyə,
Düzümdən keçib gəldim.
Bu mələkdir?- sən canın,
Xeyrində yox insanın,
Mən haqqıma şeytanın
İzindən keçib gəldim.
İz apardı daşıma,
Alıb vurdum başıma,
Hər zirvənin başına
Dizimdən keçib gəldim.
Demə qəmmis məramı,
Sökdü qaysaq yaramı,
Halal üçün Harami
Düzündən keçib gəldim.
Canım bezdi cəbrdən,
Dəvət aldım qəbirdən,
Hər şükürə səbrdən,
Dözümdən keçib gəldim.
Öyrəşdim iz olmağa,
Çox gəzdim düz olmağa
Ay ellər, Siz olmağa,
Özümdən keçib gəldim.
Məmməd sözdən çəkilən,
Bax, bu gözəl şəkilə,
Bələyimdən tikilən,
Bezimdən keçib gəldim.
Son xəbərlər
Ən çox oxunanlar
- Bu gün
- Bu həftə
- Bu ay
