Xəbərlər
7.09.2026, 14:28
Elxas Comərd : YALANLARA - FOTO
Elə ki öyrəşdik biz yalanlara.
İtdi inam, mərdlik, öldü kişilik,
Nə vaxt məğlub oldu düz yalanlara?
Əldə olanların itirdik çoxun,
Başına fırlandıq olmayan yoxun,
Acdan heç xəbəri olmadı toxun,
Çünki dikilmişdi göz yalanlara.
Bütün pisliklərə təməldi yalan,
Naqis hərəkətə əməldi yalan,
İnsanı insanın gözündən salan,
Baxsan, gedib çıxır iz yalanlara.
Kimi gün keçirir, ya baş girləyir,
Kimi üzə durub, adam şərləyir,
Kim də ömür sürüb, özün hərləyir,
Beləcə güc verir söz yalanlara.
Çoxu həqiqəti düz deyə bilmir,
İmkanlı, nədənsə, “biz” deyə bilmir,
Başqa cür, birbaşa, “əz” deyə bilmir,
Qoyurlar bu cürə köz yalanlara.
Yalan insanlığa olmasa da, xas,
Adət halın alıb, gəl, səbrini bas.
Sənin də dadına çox çatıb, Elxas,
Öyrəş yalanlara, döz yalanlara.
Son xəbərlər
Ən çox oxunanlar
- Bu gün
- Bu həftə
- Bu ay
