Xəbərlər
1.07.2026, 00:14
MƏMMƏD QƏDİR : Söy mənim goruma, dincəl - FOTO
Hay vermə sorğuma, soruma, dincəl.
Çıxıb öz yayından həsrət adlı ox,
Daha bu sevgini qoruma, dincəl.
Eş adi bir suçu, dərd tapınca eş,
Gözəl bacarırsan, sənə yağlı beş,
Qır sonuncu bağı, yelkənimi deş,
As həsrət bayrağın doruma, dincəl.
İlham tarlasının qəlb suçusuyam,
Xalis məhəbbətin qəlp qoçusuyam
Mən ürək çapqını, qəlb ovçusuyam,
Yaxınlaşma sevda toruma, dincəl.
Baxma ərköyünəm, ərkimə, gəlmə,
Özəl tədbirimə, sərgimə gəlmə,
Mənim məclisimə, dərgimə gəlmə,
Get əgyar yaradan foruma, dincəl.
Sevgi çoxalırmış xərc eləyəndə,
Öyrən, uduzmazsan mərc eləyəndə,
Qəlbim sənə alqış dərc eləyəndə,
Bir qəşəng qarğış yaz yoruma, dincəl.
Sevgi də sevmirmiş köhnəlikləri,
Son gümana yozma, köhnə ilkləri,
Poz vəfa adında öhdəlikləri,
Yazıl həsrət adlı quruma, dincəl.
Yazda çiçək olur, al qış qarımdan,
Məmməd kimdən gələr alqış, qarımdan,
Rahatlıq tapmasan alqışlarımdan,
Söy mənim nəslimə, goruma, dincəl...
Son xəbərlər
Ən çox oxunanlar
- Bu gün
- Bu həftə
- Bu ay
