ABŞ-də apreldə illik inflyasiya 3.8% olub ki, bu da son üç ilin ən yüksək göstəricilərindən sayılır.

“Unikal” xəbər verir ki, ABŞ Əmək Nazirliyinin açıqladığı məlumatlara əsasən, ötən ay ölkədə qiymətlər aylıq müqayisədə 0.6% artıb. Martda bu göstərici 0.9%, fevralda isə 0.3% təşkil etmişdi.

Məlumata görə, inflyasiyanın artmasına əsasən enerji sektorundakı bahalaşma təsir edib. Apreldə benzinin qiyməti 5.4%, ümumi enerji daşıyıcılarının qiyməti isə 3.8% yüksəlib.

Beynəlxalq Valyuta Fondu da regiondakı hərbi gərginliyin enerji qiymətlərini artıraraq qlobal iqtisadi artıma mənfi təsir göstərə biləcəyi ilə bağlı xəbərdarlıq edib.