Sənubər Səhər


Dünyanı, təbiəti, insanları yeni doğulan fərəh ulduzlarına çevirən, qəlbləri ən xoş təravət bəxş edən, simaları gözəllik yağışına qərq edən, hər halımıza yeni oyanış xoşbəxtliyi gətirən bu möhtəşəm ay bütün pislikləri unutdursun.
Yeni oyanış fərəhinin işığında fəlakətlər qərq olsun. "Hər pis işdə xeyir var" inamı qəlbləri tərk etməsin.
Ən gözəl fəsilin işığı aydınlığın yolunu daim açıq etsin. Bədbin, neqativ fikirlər, hisslər, əməllər məhv olsun.
Yazın gəlişi yeni dünya gəlişi kimi bir hissdir. Bu hissin təsirindən il boyu çıxmayaq.
Gözəl arzuların, ümidlərin həyata keçməsi yolu gözəl əməllərin işığından keçsin. Hər bir əziyyətin gözəl bəhrəsini görək.
Həyatdan ləzzət almağın xoşbəxtliyi hər kəsə qismət olsun. Sevgi hissindən məhrum olmayaq. Hər zaman sevdiklərimiz yanımızda olsun. Arzularımızın bəhrəsi hər kəsə nəsib olsun. Yazın təravətindən bəhrələnmək hər kəsə qismət olsun.
Təbiətin əsəbləşdiyi məqamlarda gözəl əməllərimizlə onu sakitləşdirməyə çalışaq. Təbiətin hər halı insanlara xüsusi çağırışdır. Bunu unutmayaq. Bu həm də Yaradanın imtahanıdır.
Bir ömür boyu bu imtahanlardan uğurla çıxaq.
-Bizdən tələb olunan nədir?
-Yalnız gözəl əməllər.
Əməllərin gözəlliyini dərk etmək üçün isə yaxşı insan olmaq. Yaxşı insan olmaq üçün isə Allahın məsləhətlərinə əməl etmək. Bu isə o qədər rahat, o qədər xoşdur ki...
Bizə gözəlliklər, xoşbəxtliklər bəxş edən dünyanın yaz gəlişi dövrü ən yüksək zirvədir... Onu qoruyaq... Gözəlliklərinə qoşulaq...