Xəbərlər
1.02.2026, 23:50
Danimarkanın kişi həndbolçuları Avropa çempionatının qalibi olublar
Turaztv.az AZƏRTAC-a istinadən xəbər verir ki, danimarkalılar çempionatın finalında Almaniya yığmasına 34:27 hesabı ilə qalib gəliblər. Komanda bununla da üçüncü dəfə bu ada sahib olub.
Almaniyanın Kansleri Fridrix Merts və Danimarkanın Baş naziri Mette Frederiksen final görüşünü birlikdə izləyiblər.
Üçüncü yer uğrunda görüşdə isə Xorvatiya seçməsi İslandiyanı məğlub edib – 34:33.
Danimarka, Norveç və İsveçin birlikdə ev sahibliyi etdiyi çempionatda 24 komanda altı qrupda mübarizə aparıb.
Həndbol üzrə Avropa çempionatı iki ildən bir keçirilir. 2028-ci ildə keçiriləcək növbəti çempionata Portuqaliya, İspaniya və İsveçrə ev sahibliyi edəcək.
Son xəbərlər
Ən çox oxunanlar
- Bu gün
- Bu həftə
- Bu ay
