Türkiyənin xarici işlər naziri Hakan Fidan “TRT Haber”in canlı efirində İrandakı son vəziyyət haqqında danışıb.

“Qafqazinfo” xəbər verir ki, nazir ölkənin uzun illərdir sərt sanksiyalar altında olduğunu və bu struktur problemlərin xarici qüvvələr tərəfindən manipulyasiya edildiyini bildirib.

XİN rəhbəri həmçinin İranın dinamik və böyük gənc əhaliyə sahib olduğunu, lakin iqtisadi məhdudiyyətlərin onların həyatdan gözləntilərini çətinləşdirdiyini vurğulayıb:

“Bu narazılıqlar hər 3-4 ildən bir genişmiqyaslı nümayişlərə çevrilir. Eyni zamanda İranın xaricdən olan rəqibləri tərəfindən manipulyasiya edilməsi də ayrı bir reallıqdır. Mossad da bunu gizlətmir. Onlar sosial media vasitəsilə İran xalqını hakimiyyətə qarşı üsyana çağırırlar”.