Ehtibar Hüseynova

Ehtibar Hüseynova Azərbaycan Qarabağ müharibəsi əlilləri, veteranları və şəhid ailələri ictimai birliyinin Bərdə rayon filialının rəhbəri kimi göstərdiyi misilsiz xidmətlərlə daim örnək olmuşdur. O, dövlətçiliyə sadiqliyi, yüksək mənəvi keyfiyyətləri və insanlara qayğıkeş yanaşması ilə tanınır.
1998-ci ildə ulu öndər Heydər Əliyevin Bərdə rayon üzrə səlahiyyətli nümayəndəsi seçilmişdir Ehtibar xanımın ölkəmizin ictimai-siyasi həyatında oynadığı rolun əyani təsdiqidir. O, bu vəzifədə çalışdığı illərdə rayon sakinlərinin problemlərinin həllinə xüsusi diqqət yetirmiş, şəhid ailələrinə və veteranlara göstərdiyi qayğı ilə onların ruh yüksəkliyinin qorunmasına böyük töhfə vermişdir.
Ehtibar Hüseynova Azərbaycan müstəqilliyinin 20 illiyi münasibətilə 2011ci ildə Tərəqqi medalı və 2023-cü illərdə isə Heydər Əliyevin 100 illik yubiley medalı ilə təltif olunmuşdur. Bu yüksək dövlət mükafatları onun vətənpərvərliyinin, ictimai fəaliyyətinin və Azərbaycan xalqına xidmətinin əvəzsiz qiymətidir. O, hər zaman ölkəmizin inkişafı və gənc nəsillərin maarifləndirilməsi üçün səylərini əsirgəmir, insanlara qayğı göstərməkdə heç bir yorğunluq hiss etmir.
Ehtibar xanımın həyat yoldaşı, Azərbaycan Bayrağı ordenli şəhid Sərhəd Zöhrabbəyovun xatirəsini yaşatması onun dərin mənəvi vətənpərvərliyini göstərir. O, şəhid ailələrinin hər zaman yanında olmuş, veteran və əlillərin problemlərinin həllində öncül rol oynamışdır. Onun bu cəsarətli, fədakar və nümunəvi fəaliyyəti yalnız Bərdə rayonunda deyil, bütün Azərbaycan ictimaiyyətində böyük hörmət və ehtiramla qarşılanır.
Ehtibar Hüseynova həm ictimai, həm də şəxsi həyatında yüksək əxlaqi keyfiyyətləri ilə seçilir. O, cəmiyyətin ən həssas təbəqələrinə – şəhid ailələrinə, veteranlara və müharibə əlillərinə daim qayğı göstərir, onların hüquqlarının qorunması və sosial vəziyyətlərinin yaxşılaşdırılması üçün yorulmadan çalışır. Onun bu fəaliyyəti həm vətən, həm də insanlıq sevgisinin parlaq nümunəsidir.
Ehtibar xanımın fəaliyyəti və göstərdiyi fədakarlıq gələcək nəsillərə örnək olacaqdır. Onun adı Bərdə rayonunun, Qarabağ müharibəsi veteranlarının və şəhid ailələrinin tarixində əbədi bir iz buraxmışdır. Ehtibar Hüseynova həm vətənpərvər, həm insanlığa bağlı, həm də cəsarətli və nümunəvi bir şəxsiyyət kimi daim hörmət və rəğbətlə xatırlanacaqdır.

Turaztv.az Kanal1.az-a istinadən.