Xəbərlər
17.10.2025, 11:23
Mənə bir şeir oxu - FOTO
AYB-nin üzvü,
Prezident təqaüdçüsü.
Mənə bir şeir oxu
Kimsənin duymadığı..
Yada bir nağıl danış,
Cırtdanın divə bir də
Aldanıb uymadığı..
Mənə bir şeir oxu
Əllərindən danışsın.
Necə keçir günlərin,
Günlərindən danışsın.
Mənə bir şeir oxu
Üçüncü kitabından
Onuncu şeirin olsun
Son sevginə yazdığın
Sonuncu şeirin olsun..
Mənə bir şeir oxu
O ki hər oxucunu
Həmin şeirin ağladar..
Gözlərini , ovcunu
Pafoslu ya poetik
Bir dil ilə anladar..
Mənə bir şeir oxu
O şeirində sevdiyin
Dodaqlar öpülməmiş,
Ağaclar üşüməmiş,
Yarpaqlar tökülməmiş..
Mənə bir şeir oxu
Hansı ki o şeirini
Hələ də yazmamısan.
Kədəri qismət ilə
Sevgini həsrət ilə
Dəyişib yozmamısan..
Mənə bir şeir oxu
Pərdələri bağlayım,
Qısılım bağrın üstə
Gecəyədək sevişək..
Səhərəcən ağlayım..
Mənə bir şeir oxu
Ən səmimi şeirini
Eşq qənimi şeirini,
Dərd qənimi şeirini..
Nağıl et, dastan elə
Beş qəpiklik dünyanı
Çevir gülüstan elə.
Mənə bir şeir oxu
Uşaqlığımdan danış
Ayaqlarım üzülsün..
Uçura bilmədiyim
Balonlar, çərpələnglər
Göy üzünə düzülsün..
Şeirinə yağan yağış
Pəncərəmdən süzülsün
Mənə bir şeir oxu
Mənə bir nağıl danış..
Kimsənin duymadığı..
Yada bir nağıl danış,
Cırtdanın divə bir də
Aldanıb uymadığı..
Mənə bir şeir oxu
Əllərindən danışsın.
Necə keçir günlərin,
Günlərindən danışsın.
Mənə bir şeir oxu
Üçüncü kitabından
Onuncu şeirin olsun
Son sevginə yazdığın
Sonuncu şeirin olsun..
Mənə bir şeir oxu
O ki hər oxucunu
Həmin şeirin ağladar..
Gözlərini , ovcunu
Pafoslu ya poetik
Bir dil ilə anladar..
Mənə bir şeir oxu
O şeirində sevdiyin
Dodaqlar öpülməmiş,
Ağaclar üşüməmiş,
Yarpaqlar tökülməmiş..
Mənə bir şeir oxu
Hansı ki o şeirini
Hələ də yazmamısan.
Kədəri qismət ilə
Sevgini həsrət ilə
Dəyişib yozmamısan..
Mənə bir şeir oxu
Pərdələri bağlayım,
Qısılım bağrın üstə
Gecəyədək sevişək..
Səhərəcən ağlayım..
Mənə bir şeir oxu
Ən səmimi şeirini
Eşq qənimi şeirini,
Dərd qənimi şeirini..
Nağıl et, dastan elə
Beş qəpiklik dünyanı
Çevir gülüstan elə.
Mənə bir şeir oxu
Uşaqlığımdan danış
Ayaqlarım üzülsün..
Uçura bilmədiyim
Balonlar, çərpələnglər
Göy üzünə düzülsün..
Şeirinə yağan yağış
Pəncərəmdən süzülsün
Mənə bir şeir oxu
Mənə bir nağıl danış..
Son xəbərlər
Ən çox oxunanlar
- Bu gün
- Bu həftə
- Bu ay
