Dünyaca məşhur keçmiş futbolçu Devid Bekhem sosial şəbəkə hesabında yeni paylaşımı ilə diqqət çəkib.

"Turaztv.az" “Qafqazinfo” -ya istinadən xəbər verir ki, o, üç məhşur sima - Ceki Çan, Şakil O Nil və Yao Minqlə görüşdüyü anı izləyiciləri ilə bölüşüb.

Bekhem paylaşımına “Meeting 3 legends…” (Üç əfsanə ilə görüş) başlığını əlavə edib.

Məlumata görə, onlar Makao şəhərində keçirilən “NBA China Games 2025” tədbiri çərçivəsində bir araya gəliblər.

Maraqlı məqamlardan biri də onların boy fərqləri olub. Belə ki, basketbol əfsanəsi Yao Minq 2,29 metr, Şakil O Nil 2,16 metr, Devid Bekhem1,83 metr, Ceki Çan isə 1,74 metr boyundadır. Foto məhz bu fərq sayəsində sosial şəbəkələrdə maraqla qarşılanıb.

Paylaşım qısa zamanda minlərlə bəyənmə toplayaraq sosial mediada böyük rezonans yaradıb.