Mübarəkdi səkkiz yaşın! - FOTO

Xəbərlər

11.10.2025, 00:35

Mübarəkdi səkkiz yaşın! - FOTO

Ailəmizin ilk NƏVƏ nübar payı olan ÜMİDimizin 8 yaşı tamam olur. Hazırlıq kursuna gedən balamın budəfəki ad günündə Gəncədə, yanında ola bilmədik. Balamın qaqası DAVİDimizin də 3 yaşı tamam olub. Nənələrinin və babalarının şirin paylarına SÖZ TƏBRİKİ! 100 yaşa, ürəyim!

Tanrı qorusun balaları,
sən də onlardan biri!
Sazının telləri,
sinəmdə açdırır gülləri.
Sən nəğməsən dilimdə,
sən qələmim əlimdə.
Qocalıb baba olasan
sən Kəlbəcər elimdə...

Evimizin nur, işığı,
Mübarəkdi səkkiz yaşın!
Könlümüzün yaraşığı,
Uca olsun daim başın,
Mübarəkdi səkkiz yaşın!

Ümid qoymuşuq adını,
Çıxardasan sən dadını!
Tanı qohum, həm yadını,
Olsun Davidin sirdaşın,
Mübarəkdi səkkiz yaşın!

Futbola çoxdur həvəsin,
Zirvələrdən gəlsin səsin!
Təngiməsin heç nəfəsin,
Batır meydanda üst-başın,
Mübarəkdi səkkiz yaşın!

Gəl babanı bircə dinlə,
Atan ilə ver əl-ələ.
Boy at, ucal, köklə, genlə,
Qoy xoş gəlsin payız-qışın,
Mübarəkdi səkkiz yaşın!
***
Ümid balamın 8 yaşına
Babasından pay olsun,
Balam boy atsın, Allah,
Ata-anasına tay olsun!

Ay ümidim - pənahım,
Sənsən qolum-qanadım.
Böyü, boy at, kişi ol,
Sən nurlu bir sabahım.

Nəvə baldır, bal dadır,
Dili şəkər, baldadır.
Balam od baxışıyla
Babaları aldadır.

İncitməyir heç kəsi,
Saza çoxdur həvəsi.
Ümidin bülbül kimi,
Heyran qoyur nəğməsi.

Qucaqdan o, qucağa,
Qanad açıb, uçub hey!
Nənəsindən babaya,
Yüyürüb ey, qaçıb ey!

İndidən baxın, balam,
Yazır-pozur, çəkir də.
O, qəsrimdi, həm qalam,
Yıxır, qurur, sökür də.

David adlı qaqasın,-
Ürək bilir, can bilir.
Sevir ata-anasın,
Damarında qan bilir.

Dost deyir babasına,
Şıltaq balam, gül balam.
Gəncəyə gələmmədik,
Sən Bakıya gəl, balam.