Qəzza sektorunda atəşkəs və girovların məhbuslarla mübadiləsi barədə razılaşma çərçivəsində ömürlük həbs cəzası alan 250 fələstinli məhbus İsrail həbsxanalarından azad ediləcək.

Turaztv.az APA-ya istinadən xəbər verir ki, bu barədə hərəkatın lideri və danışıqlar heyətinin rəhbəri Xəlil əl-Həyyə məlumat verib.

“Biz girovları məhbuslarla dəyişəcəyik: azadlığa 250 nəfər çıxacaq — onlar ömürlük həbsə məhkum edilmiş şəxslərdir. Bundan əlavə, 2023-cü il oktyabrın 7-dən sonra həbs edilən 1700 fələstinli də azad olunacaq. Həmçinin, həbsdə olan bütün yetkinlik yaşına çatmayan fələstinlilər və qadın məhbuslar da sərbəst buraxılacaq”, - o deyib.