O, jurnalist və söz adamlarının, ümumilikdə çoxunun-haqqın, ədalətin, düzlüyün dostu və arxası idi. Hamıya diqqət yetirməyi bacarırdı. Olduqca diqqətcil, dövlətini sevən idi.
Bu gün söz adamları - "İsmayıllı Yazarları "ədəbi-ictimai birliyinin üzvüləri "qapısı bircə dəfə açılıb, bircə dəfə örtülən evi "- nə
gəldilər. Onu ziyarət etdilər. Ruhuna dualar oxudular, - Allah rəhmət eləsin dedilər, ürəkdən! Baxın, budur ölməzlik, budur öləndən sonra yaşamaq...
Xeyirxah və nəcib adamlar dünyalarını dəyişdikdən sonra xatirələrdə yaşayırlar.
Dostluq illərimin çiyindaşı, iqtisad elmləri doktoru, əsl ziyalı Mirdaməd Sadıqov kimi.

Olduqca həssas bir insan idi, Mirdaməd müəllim! Baməzə, zarafatcıl, vətənpərvər və xoşsifətliyi ilə başqalarından həmişə fərqlənirdi.
Mirdaməd Sadıqov deyib-gülən, şirin söhbəti, gözəl lətifələri ilə hamını heyran qoyan bir insan idi. O, söz adamlarını çox sevərdi. Çünki özü söz adamı idi. İqtisadkı olmasına baxmayaraq Azərbaycan və xarici ədəbiyyatı mükəmməl bilirdi. Hazırcavab idi, daim mütaliə edən, hazırlıqlı, yeniliyi rəğbətlə qarşılıyan və onlara yaradıcı yanaşan müəllim idi. Dostluqda sədaqətli, möhkəm, gözəllik vurğunu idi.

"İsmayıllı Yazarları " ədəbi-ictimai birliyinin üzvləri, Azərbaycan Yazıçılar Birliyinin üzvü, şair Şahməmməd Dağlaroğlu, Murad Məhərrəmov, Rüstəm Məbudoğlu, Cəbrayıl Hüseyn, şair, publisist Hacıməmməd Məmmədov, gözəl insan, feleytonlar ustası Cavanşir Canalıyev, hörmətli, sevimli insan, şair, publisist Tahir Rəcəbov və mərhumun yaxın adamları bu gün ziyalı, əsl insan Mirdaməd Sadıqovu cənnətdəki 75 illik yubiley ilə əlaqədar ziyarət etdilər. Ruhuna dualar oxudular...

Onun nurlu çöhrəsi, əziz xatirəsi heç vaxt unudulan deyil. Çünki Mirdaməd alim olmaqla bərabər, əsl vətəndaş, gözəl insan idi. Çox təəssüf ki, gözümün önünə ciddi baxışlı, gülərüzlü, şirinsözlü dostumun özü yox, onun xatirələri gəlir. Mən o xatirələrlə yaşayıram.
Ruhun şad olsun, əziz İNSAN! Amin ya Rəbbim!

HACIMƏMMƏD MƏMMƏDOV