“Qremmi” mükafatını qazanan ilk Latın Amerikalı pianoçu, bəstəkar və dirijor Eddi Palmieri 89 yaşında vəfat edib.

"Turaztv.az" "Unikal" -a istinadən xəbər verir ki, bu barədə “The Guardian” məlumat yayıb.


Sənətçi uzun sürən xəstəlikdən sonra Nyu-Cersidəki evində dünyasını dəyişib.

Qeyd edək ki, musiqiçi karyerası ərzində səkkiz "Qremmi" mükafatı qazanmış və 40-a yaxın albom buraxaraq Latın Amerikası səhnəsinin inkişafına mühüm təsir göstərmişdir. Onun innovativ yanaşması rumba və latın cazının səsini dəyişib. İlk mükafatını 1975-ci ildə "Latın Musiqisinin Günəşi" albomu ilə qazanıb. O, ömrünün son günlərində də musiqi yazmağa davam edib və koronavirus pandemiyası zamanı onlayn konsertlər verib.