Xəbərlər
21.07.2025, 14:46
"Milli baş geyimi və örtükləri" layihəsinin icrasının davamı Hacıqabulda olacaq - FOTO
Mirvarid Dilbazi Poeziya Məclisi İctimai Birliyi, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2025-ci il üzrə kiçik qrant müsabiqəsinin qalibi olaraq, "Milli baş geyimi və örtükləri" adlı layihənin icrasına başlamışdır.
Layihənin icrası ilk olaraq Bakıda, Xətai Sənət Mərkəzində,, sonra Salyan Rayon Mərkəzi Kitabxanasında keçirildi.
23 İyul 2025- ci il, 10:00- da Hacıqabul Mədəniyyət Sarayında keçiriləcək. Davamı Saatlı, Kürdəmir rayonlarında olacaq
Layihənin məqsədi Azərbaycan xalqının qədim və zəngin geyim mədəniyyətinin ayrılmaz hissəsi olan kişi və qadın baş geyimlərinin tədqiqi, təbliği və bu mədəni irsin gələcək nəsillərə ötürülməsidir. Layihənin icrası zamanı milli baş geyimlərinin yalnız tarixi deyil, həm də sosial funksiyasını işıqlandıraraq ictimai diqqəti bu sahəyə yönəltməyi hədəfləyir.
Layihə çərçivəsində konsert tədbirləri təşkil olunur, konsert zamanı isə Azərbaycanın kişi və qadın baş geyimlərindən ibarət sərgi tamaşaçılara təqdim edilir. Bu sərgi vasitəsilə izləyicilər milli baş geyimlərinin zənginliyi və müxtəlifliyi ilə yaxından tanış olmaq imkanı əldə edirlər.
Bütün tədbirlər media və sosial media üzərindən işıqlandırılır, beləliklə də layihənin məqsədləri geniş ictimaiyyətə çatdırılır.
Layihənin icra müddəti 3 ay (01.06.2025 – 31.08.2025) davam edəcəkdir.
#mirvariddilbazipoeziyaməclisi
Son xəbərlər
Ən çox oxunanlar
- Bu gün
- Bu həftə
- Bu ay
