Vətəndaşların su hövzələri ilə əlaqəsi olmayan yerlərdə çimərlik geyimində olması zahiri görkəmlə ictimai əxlaq normaları arasında ziddiyyət kimi qiymətləndirilə, cərimə və ya həbsə səbəb ola bilər.

"Turaztv.az" "Unikal"-a istinadən xəbər verir ki, bu barədə vəkil İlya Rusyayev Lenta.ru-ya açıqlamasında deyib.

Vəkil bildirib ki, su hövzələri ilə əlaqəsi olmayan yerlərdə, məsələn, şəhər parklarında, küçələrdə, uşaq meydançalarında və ya ictimai nəqliyyatda çimərlik geyimində olmaq məsuliyyətə səbəb ola bilər. O izah edib ki, belə yerlərdə, xüsusən də uşaqların yanında nümayişkaranə çimərlik geyimində görünmək ictimai asayişin pozulması kimi qiymətləndiriləcək.

“İctimai yerdə çimərlik geyimində görünmək ictimai davranış normalarının nümayişkaranə şəkildə pozulması, məsələn, aqressiv və ya təxribat xarakterli davranış, ədəbsiz sözlər və ya başqalarına sataşma ilə müşayiət olunarsa, bu hərəkətlər xırda xuliqanlıq kimi təsnif edilə bilər”, - deyə Rusiyayev xəbərdarlıq edib.

Ekspert qeyd edib ki, belə bir halda pozuntu 500-dən 1000 rubla qədər cərimə ilə nəticələnəcək. Bundan başqa, xırda xuliqanlığa görə 15 sutkalıq həbs nəzərdə tutulub.