Bir çox alimlərimizi yaxından görərək tanış olmaq mənim üçün qürur verici an oldu.Bir çox görkəmli şəxsiyyətləri fb-dan tanısam da yaxından görmədiyim və ilk dəfə tanış olduqlarımda oldu onların hər birinə ayrı-ayrılıqda hörmətim var. Hörmətli alimimiz Abid Tahirlini yaxından tanıyırdım və ona biz yazarlarla "Qəbələnin səsi"ədəbi yazarlar birliyinin üzvləri ilə İsmayıl bəy Qutqaşınlının xatirə ev muzeyində keçirdiyi görüşdən sonra vaxt taparaq biz yazarlarla gözəl bir məkanda çay süfrəsi arxasında tədbiri davam edərək, yazarların yaradıcılığı ilə maraqlanaraq, bizlərə bir böyük xeyir duasını verərək bizlərə gözəl bir günün xatirəsini yaşatdı.Amma növbəti söhbət açacağım Qəbələnin görkəmli ziyalılarından biri olan Azərbaycan Memarlıq və İnşaat Universitetinin Azərbaycan dili və Pedaqogika kafedrasının dosenti Akif Hacıyev haqqında olacaq.
Akif müəllimi mən FB-dan tanıyıram. Onun mənim yaradıcılığımı izləyərək mənə verdiyi dəyərə görə təşəkkür edirəm. Öz xoş duyğularını yazdığı açıq məktub vasitəsi ilə bizlərlə bölüşməyi mən də məsuliyyətimi birə beş artırdı. Mən elimə, xalqıma elə xidmət etməliyəm ki, mənə inanan güvənən hər bir kəsin yanında başım uca olsun ki, bərəkallah qazana bilim.Verdiyi dəyərin qarşısında səylərimi əsirgəməyim.
Məktubun başlığı bu cür başlamışdı.
"Gördüyünüz işlər tədqirəlayiqdir"!
("Qəbələnin səsi "ədəbi yazarlar birliyinin sədri Şəhla Xəlilqızına)
Adlı açıq məktubu bizim "Qəbələnin səsi "5 illik yubley kitabında olduğu kimi dərc edərək Akif müəllimə öz təşəkkürümü bildirərək ona jurnalist Daşdəmir Əjdəroğlu Tağıyev vasitəsi ilə hədiyyə etdik.
Amma Akif müəllimi yaxından görmək mənim ən böyük arzum idi. Şükür bu arzuma Zinyət Tahirlinin vasitəsi ilə çatdım.
Mən Akif müəllim, Abid müəllim başda olmaqla Qəbələ alimlərinə "Qəbələnin səsi " ədəbi yazarlar birliyi üzvüləri adından və şəxsən öz adımdan təşəkkürümüzü bildirərək onlara yaradıcılıq uğurları diləyirik. Nə yaxşı ki, Qəbələmizin sayılıb seçilən görkəmli şəxsiyyətləri var hər zaman onlarla qürur duyuruq.
Şəhla Xəlilqızı-
"Qəbələnin səsi "ədəbi yazarlar birliyinin sədri.
06.07.2025