“Neftçi” yeni mövsüm üçün növbəti transferini rəsmiləşdirib.

Klubdan AZƏRTAC-a verilən məlumata görə, fransalı sağ cinah yarımmüdafiəçisi İmad Faraj artıq “Neftçi” ailəsinin üzvüdür. 26 yaşlı futbolçu ilə 3 illik müqavilə bağlanıb.

“Lill” akademiyasında yetişən Faraj Fransa, Portuqaliya və Belçika liqalarında oynayıb, sonuncu klubu AEK (Larnaka) ilə Kipr Kubokunun qalibi olub. Fransanın U-16, U-17, U-18 və U-19 milli komandalarının şərəfini qoruyub.