Ukrayna Prezidenti Volodimir Zelenski ölən hərbçilərin cəsədlərini geri ala bilməsi üçün cəbhənin aşağı hissələrində döyüşləri dayandırmaq barədə Rusiyanın təklifinə cavab verib.

Bu barədə “Qafqazinfo” UNİAN-a istinadən xəbər verir.

Prezident qeyd edib ki, Ukrayna atəşkəs məsələsi ilə bağlı gündəliyi dəyişməyib. Söhbət qeyd-şərtsiz atəşkəsdən, əsirlərin mübadiləsindən, uşaqların və mülki şəxslərin geri qaytarılmasından gedir:

“Onlar ölüləri döyüş meydanından götürmək üçün iki-üç günlük “atəşkəs”ə hazırdırlar. Məncə, onlar axmaqdırlar, çünki “atəşkəs” ölənlərin olmaması üçün nəzərdə tutulub. Yəni əhval-ruhiyyəni görürsünüz - onlar üçün bu, müharibədə qısa fasilədən söhbət gedir”.