Xəbərlər
23.05.2025, 23:00
Sahib Fərzəliyev - 65
Azərbaycan Memarlıq və İnşaat Universitetinin Dosenti
Bu gün universitetimizin ən qocaman tədris kollektivlərindən sayılan İnşaat fakültəsinin dekanı, qabaqcıl elm-təhsil işçisi professor Sahib Fərzəliyevin 65 yaşı tamam olur.
Sahib müəllimi bu gözəl yaz səhərində qəzetimizin oxucuları adından ürəkdən təbrik edir, ona sağlam həyat, uzun ömür, xoş günlər, təlim-tərbiyə kimi nəcib işində uğurlar arzulayırıq!
Əməkdar elm xadimi, türkoloq mərhum Məmmədağa Şirəliyev dissertasiyaların müdafiəsini keçirən Elmi Şuranın iclaslarında, yubiley tədbirlərində həmişə deyərdi ki, təqdım olunan kadrın elmi işini, kitablarını, monoqrafiyalarını saydınız və sonra da əlavə etdiniz ki, sanballı alimdir. Mən xahiş edirəm, bir iki-üç kəlmə də onun insanlığı, vətəndaşlığı barədə danışasınız.
Bəli, Sahib Fərzəliyevə bir insan, vətəndaş kimi yanaşsaq görərik ki, bunlar da onun alimlik xüsusiyyətlərindən heç də geridə qalmır.
Sahib müəllim sadə, təvazökar bir insandır. İnsanlığa yad olan mənfi xüsusiyyətlər ona da yaddır. Tələbəyə də, müəllimə də, sıravi işçiyə də münasibətində çox səmimidir. Hamıya haqqın, ədalətin prizmasından baxar.
Sahib Fərzəliyev dekan, müəllim kimi tələbələrinə, yoldaş kimi həmkarlarına, yerli kimi cəbrayıllılara, dost kimi sirdaşlarına, insan kimi də vətəndaşı olduğu ölkəmizə layiq adamdır.
Son xəbərlər
Ən çox oxunanlar
- Bu gün
- Bu həftə
- Bu ay
