İsrail Qəzza zolağında girovların azad edilməsi üçün danışıqların aparıldığı Dohadan nümayəndə heyətini geri çəkmək qərarına gəlib.

"Turaztv.az" “Qafqazinfo”-ya istinadən xəbər verir ki, bu barədə İsrailin Baş naziri Benyamin Netanyahunun ofisi məlumat yayıb.

İsrail tərəfinin fikrincə, bu, HƏMAS hərəkatının nümayəndələrinin danışıqlar apara bilməməsi ilə bağlıdır.

“Dohada təxminən bir həftəlik intensiv təmaslardan sonra əsas danışıqlar qrupu məsləhətləşmələr üçün İsrailə qayıdacaq, texniki səviyyəli danışıqlarçılar isə hələlik Dohada qalacaqlar”, - deyə məlumatda bildirilir.

“İsrail ABŞ prezidentinin elçisi Stiven Uitkoffun planı əsasında Amerikanın girovların qaytarılması təklifi ilə razılaşıb. Bu təklif bu yaxınlarda vasitəçilər vasitəsilə HƏMAS-a çatdırılıb, lakin hələ də imtina etməkdə davam edir”, - ofis əlavə edib.