Mavritaniyanın apellyasiya məhkəməsi keçmiş prezident Mohamed uld Abdel Əzizi vəzifə səlahiyyətlərindən sui-istifadə etdiyinə görə 15 il müddətinə azadlıqdan məhrum edib.

"Turaztv.az" "Unikal"-a istinadən xəbər verir ki, 2008-2019-cu illərdə hakimiyyətdə olan Əziz iki keçmiş baş nazir, keçmiş nazirlər və iş adamları da daxil olmaqla, onlarla digər yüksək vəzifəli məmurla birlikdə bu işə qarışıb. Onlar qanunsuz varlanma, nüfuz alveri və çirkli pulların yuyulması məqsədilə vəzifə səlahiyyətlərindən sui-istifadədə ittiham olunublar. 2023-cü ilin dekabrında keçmiş prezident 5 il müddətinə azadlıqdan məhrum edilib. Apellyasiya məhkəməsi 2024-cü il noyabrın 13-də başlayıb.


Məhkəmə, həmçinin, Əzizin əmlakının müsadirə edilməsi və onun mülki hüquqlarından məhrum edilməsi barədə qərarı qüvvədə saxlayıb.

1978-2008-ci illər arasında Mavritaniyada bir neçə dövlət çevrilişi olub. 2019-cu ildə seçkilərdən sonra ilk dəfə olaraq hakimiyyət bir prezidentdən digərinə keçib. Səsvermədə bu günə qədər hakimiyyətdə olan Mohamed uld Qəzvani qalib gəlib.