İran ABŞ-la danışıqlar çərçivəsində uranın zənginləşdirilməsi səviyyəsini və ya onun həcmlərini məhdudlaşdırmağa razılaşa bilər, lakin bu texnologiyadan tamamilə imtina etmək niyyəti deyil.

"Turaztv.az" “Report”-a istinadən xəbər verir ki, bu sözləri İranın xarici işlər naziri Abbas Əraqçi deyib.

“Uranın zənginləşdirilməsi mövzusu, fikrimizcə, müzakirə mövzusu deyil, davam edəcək. Bu mövzuda heç bir spekulyasiya ola bilməz. Onun (Uranın zənginləşdirilməsi - Qeyd) səviyyəsi və ya həcmi ilə bağlı bəzi məhdudiyyətlər etimadı gücləndirmək üçün mümkündür”, - deyə o bildirib.