ABŞ Prezidenti Donald Tramp milli təhlükəsizlik üzrə müşaviri Mayk Uoltsun ölkəsinin BMT-dəki daimi nümayəndəsi vəzifəsinə namizədliyini irəli sürəcəyini açıqlayıb.

"Turaztv.az" "Report"-a istinadən xəbər verir ki, o, bu barədə "Truth Social" sosial şəbəkəsində yazıb.

"Mən Maykl Uoltsun Birləşmiş Millətlər Təşkilatındakı növbəti səfiri vəzifəsinə namizədliyini irəli sürəcəyimi elan etməkdən məmnunam. Uolts ölkəmizin maraqlarını hər şeydən üstün tutmaq üçün çox çalışıb", - Ağ Ev rəhbəri deyib.

ABŞ dövlət katibi Mark Rubio müvəqqəti olaraq milli təhlükəsizlik müşaviri vəzifəsini icra edəcək. Eyni zamanda Tramp Dövlət Departamentinin rəhbərinin xarici siyasət departamentindəki vəzifəsini tərk etməyəcəyini vurğulayıb.

Bundan əvvəl yerli KİV Uolts və onun müavini Aleks Vonqun tutduqları vəzifələrdən istefa verə biləcəyini, Trampın milli təhlükəsizlik üzrə müşaviri postunu isə onun xüsusi nümayəndəsi Stiven Vitkoffun tuta biləcəyini yazıb.