QIZBƏS QƏBƏLƏ : ZELENSKİYƏ

Xəbərlər

5.03.2025, 00:09

QIZBƏS QƏBƏLƏ : ZELENSKİYƏ - FOTO

ZELENSKİYƏ

Qəhrəmanlıq rəmzitək gözümüzdə ucaldın,
Öz xalqından, elindən, vətənindən güc aldın,
Qorxmaz sərkərdə oldun, düşmənlərdən öc aldın.
Dünya sənintək cəsur görməyibdir biləsən,
Möhkəm dayan, xalqına çox lazımsan hələ sən!

Mübariz cəngavərtək meydanlarda dayandın,
Gecə - gündüz bilmədən vətən eşqiylə yandın,
Azadlığı özünə bir amal kimi sandın.
Dünya sənintək çəsur görməyibdir biləsən,
Möhkəm dayan, xalqına çox lazımsan hələ sən!

Nadürüstlər anlamaz nədir azadlıq, vətən,
Yurdunun səmasını bürüyübdü duman-çən,
Gəncikən qocalmısan ağır döyüşlərdə sən.
Dünya sənintək cəsur görməyubdir biləsən.
Möhkəm dayan, xalqına çox lazımsan hələ sən!

Dolaşır başın üstə qara -qanlı buludlar,
Namərdlərin hiyləsi dünyanı eyləyib dar,
Qoy uca Tanrım olsun Zelenski, sənə yar,
Dünya sənintək cəsur görməyibdir biləsən,
Möhkəm dayan, xalqına çox lazımsan hələ sən!

Dözməyir ürəyimiz bu şeytan əməlinə,
Heç bir aslan düşməsin quzğunların əlinə,
İgidliyin salıbdır səni elin dilinə.
Dünya sənintək iğid görməyubdir biləsən,
Möhkəm dayan, xalqına çox lazımsan hələ sən!