Xəbərlər
1.11.2024, 19:01
PÜSTƏ RƏVAN : DÜNYA... - FOTO
Kiminə bəxş etdin, ziyafət dəmi,
Kiminə bəxş etdin bir dünya qəmi.
Kimini özünə könül həmdəmi,-
Kiminin eybini açırsan dünya.
Kimini kiminə möhtac eylədin,
Kimini əzəldən sən ac eylədin.
Kiminin dərdinə əlac eylədin,-
Kiminə şəfəqlər açırsan, dünya.
Kimi al-qumaşa məhəl qoymayır,
Kiminin çörəkdən qarnı qoymayır.
Kimini kimlərsə adam saymayır,-
Kimindən kölgə tək, qaçırsan dünya.
Kimi ruzi üçün çıxır elindən,
Kimin son tikəsin aldın əlindən.
Kiminsə dualar düşmür dilindən,-
Kimini oraq tək biçirsən, dünya,
Kimisi can atır şöhrətə, ada,
Ölumü heç zaman gətirmir yada.
Vaxt olur ki, səni çağırır dada,-
Sən də onun qanın içirsən, dünya.
Kiminə bəxş etdin bir dünya qəmi.
Kimini özünə könül həmdəmi,-
Kiminin eybini açırsan dünya.
Kimini kiminə möhtac eylədin,
Kimini əzəldən sən ac eylədin.
Kiminin dərdinə əlac eylədin,-
Kiminə şəfəqlər açırsan, dünya.
Kimi al-qumaşa məhəl qoymayır,
Kiminin çörəkdən qarnı qoymayır.
Kimini kimlərsə adam saymayır,-
Kimindən kölgə tək, qaçırsan dünya.
Kimi ruzi üçün çıxır elindən,
Kimin son tikəsin aldın əlindən.
Kiminsə dualar düşmür dilindən,-
Kimini oraq tək biçirsən, dünya,
Kimisi can atır şöhrətə, ada,
Ölumü heç zaman gətirmir yada.
Vaxt olur ki, səni çağırır dada,-
Sən də onun qanın içirsən, dünya.
Son xəbərlər
Ən çox oxunanlar
- Bu gün
- Bu həftə
- Bu ay
