“Kurtlar vadisi” serialında “Süleyman Çakır”ın qızı “Selvi” obrazını canlandıran aktrisa Fatma Büşra Ayaydın ana olub.

"Turaztv.az" “Qafqazinfo” -ya istinadən xəbər verir ki, o, bununla bağlı sosial şəbəkə hesabında paylaşım edib.

Ayaydın uşağının fotosunu paylaşaraq “Körpəmlə ilk Ramazan ayı, inşallah”, - şərhini yazıb.

Qeyd edək ki, 30 yaşlı aktrisa “Kurtlar Vadisi”ndən sonra “Hatırla sevgili”, “En iyi arkadaşım”, “Mavi rüya” ve “Muhteşem yüzyıl” seriallarında, həmçinin “Siccin 3” filmində rol alıb.

O, 21 yaşında hicaba keçməyə qərar verərək karyerasına fasilə verib. Daha sonra geyim brendi yaradaraq sahibkarlıq sahəsində fəaliyyətə başlayıb.

Bu il Bilal Aslanoğlu adlı şəxslə ailə həyatı qurub.