Ukrayna prezidenti Vladimir Zelenski deyib ki, ABŞ respublikanı NATO-da görmək istəməsə, təhlükəsizlik zəmanəti olaraq Kiyevə nüvə silahı ötürə bilər.

"Turaztv.az" "Unikal"-a istinadən xəbər verir ki, “European Pravda” qəzetinin yazdığına görə, o, bu təkliflə britaniyalı aparıcı Pirs Morqanla müsahibəsində çıxış edib.


O, ölkənin Şimali Atlantika Alyansına daxil olmasının onilliklər çəkə biləcəyindən şikayətlənib. Onun sözlərinə görə, belə olan halda Ukraynanın özünü necə müdafiə edəcəyi sualı yaranır. Bununla bağlı Zelenski Kiyevi nüvə silahı ilə təmin etməyə çağırıb.

“Ona görə də gəlin bunu belə edək: nüvə silahlarımızı bizə geri verin; bizə raket sistemlərini verin; “Tərəfdaşlar, milyonluq ordunu maliyyələşdirməmizə kömək edin, kontingentinizi dövlətimizin vəziyyətində sabitlik istədiyimiz bölgələrə köçürün ki, insanlar sakit olsun”, - deyə Zelenski əsaslandırıb.