Fransanın daxili işlər və xarici ərazilər naziri Bruno Retayo polis prefektlərinə terror hücumları ehtimalına görə təhlükəsizlik tədbirlərini gücləndirməyi əmr edib.

"Turaztv.az" “Qafqazinfo”-ya istinadən xəbər verir ki, bu barədə AFP məlumat yayıb.

“Terror təhlükəsinin artdığını nəzərə alaraq, kütləvi mədəniyyət, idman və ya əyləncə tədbirləri zamanı ayıq-sayıqlığın maksimum dərəcədə artırılmasını və təhlükəsizlik tədbirlərinin gücləndirilməsini tapşırıram”, - deyə nazir bildirib.

O, kütləvi tədbirlər iştirakçılarının yoxlanılmasına cavabdeh olan hüquq-mühafizə orqanları əməkdaşlarının hazırlanmasına xüsusi diqqət yetirilməsi barədə göstəriş verib.

Retayo xatırladıb ki, Almaniya və ABŞ-də baş verən son terror aktları təhlükənin ciddiliyini göstərir.