Azərbaycan və Ermənistan sülh müqaviləsi imzalamağa yaxındırlar.

" Turaztv.az" "Unikal"-a istinadən xəbər verir ki, bunu Ermənistanın xarici işlər naziri Ararat Mirzoyan deyib.

“Bu bir ümid anıdır. İki dövlətimizin və cəmiyyətlərimizin faciəli keçmişinə baxmayaraq, düşmənçilik səhifəsini çevirmək şansı var... Keçmiş çətin idi. Anlamaq, unutmaq, bağışlamaq çətindir, amma bölgəmizdə kifayət qədər qan tökülüb və indi gələcəyə baxmaq imkanımız var”, - deyə Ermənistanın xarici işlər naziri Ararat Mirzoyan Finlandiyanın "Lannen Media" xəbər agentliyinə müsahibəsində deyib.

Kommunikasiyaların açılması məsələsinə gəlincə, Mirzoyan qeyd edib ki, Ermənistan və Azərbaycan hər iki tərəf üçün məqbul olacaq qərarlara gələ bilərlər:

“Biz Ermənistan mallarının Azərbaycan ərazisindən və əksinə, Azərbaycan mallarının Ermənistan ərazisindən tranzitini təşkil edə bilərik. Birinci mərhələdə biz dəmir yolu tranzitini bərpa edə və onu tədricən genişləndirə bilərik".