“Qarabağ”ın hücumçusu Redon Cica yanvarda, qış transfer pəncərəsi dövründə komandanı tərk edə bilər.

"Turaztv.az" “Qafqazinfo”-ya istinadən xəbər verir ki, bu barədə o, Albaniya mətbuatına açıqlamasında bildirib.

“Mənim onsuz da “Qarabağ”da oynamaq vaxtım az olur. Əgər yanvarda getmək istəsəm, mən bir neçə variant içində ən yaxşısı üzərində dayanacam”.

Qeyd edək ki, Redon Cica 2023-cü ilin yanvarında “Tirana” klubundan “Qarabağ”a keçib. O, Ağdam klubunda bütün turnirlərdə ümumən 61 oyun keçirib, 11 qol vurub və 5 qolun ötürməsini edib.

Onun Azərbaycan təmsilçisi ilə müqaviləsi 2026-cı ilin iyununda başa çatır.