GÜLAFƏT HACIQIZI : "ALLAH'IM" Gülafət:

Xəbərlər

1.12.2024, 20:09

GÜLAFƏT HACIQIZI : "ALLAH'IM" Gülafət: - FOTO

"ALLAH'IM"
Gülafət:

- Nə qədər çətin də olsa həyatım
Yaradan ALLAH'dır yaşadır məni
Ağlasam can deyib təsəlli verən
Çiynimə əl qoyub sakit ol deyən
Bütün dərdlərimi götür qoy edən
Yenə ALLAH'ımdır ALLAH'ım Mənim.

ALLAH :

- Dərdimin içində bir dərtsən Gülüm
Geniş səmalarla bürərəm səni
Haqqın ədalətin olduğu yerdə
Başına Güldən tac hörərəm sənin.

Gülafət:

- Gəlmişəm dünyaya yeriyim, gəzim
Gəlmədim bu dünyaya insandan bezim
Məni əzirlərsə məndəmi əzim?
Haqlını nahaqdan ayıran ALLAH
Mənə işıqlı yol saxlayan ALLAH.

ALLAH :

- Çıxma sən özündən bivec kəs üçün
Telinin ucuna sər də qonmasın
Bu böyük dünyanın böyük yerində
Səni gəzdirirəm öz əllərimdə.

Gülafət:

- Yorulub ürəyim, yorulub zehnim
Məni haqqdan gələn işığa apar

ALLAH :

- Yoxsa yoruldun sən bu cür zinətdən?
Sənə Haqdan gələn böyük dövlətdən?

Gülafət:

- Taqətim qalmayıb ölürəm daha
Quzğun önündəki leşə bənzədim
Yedilər ömrümün qalmadı yeri
Qırmanı keçirən süzgəcə döndüm.

ALLAH :

- Taqətin də mənəm, halın da mənim
Başımın bəlası, zalım da mənəm
İndi mənə denən nədən usandın?
Qızmar Gün istədin, günəşin oldum
Günəşdən usandın sənə meh oldum
Yağışın, şimşəyin, leysanın oldum
İndi sən deyirsən usandığını?
Sənə əziyyət çəkdim hədərmi oldu??

Gülafət:

- Nə qədər yazsam da bitməz ki, ALLAH
Sənin söhbətini, sənin sözünü
Hərdən itirirəm mən də özümü

ALLAH :

- İtməsin ağılın, çaşmasın gözün
Mən sənə verəcəm böyük bir dözüm.!

1.12.2024.