Misli Premyer Liqasının XV turu çərçivəsində bu gün qonaq qismində "Sabah"a uduzan "Səbail"in baş məşqçisi Cavid Hüseynov oyundan sonra baş tutan mətbuat konfransında fikirlərini bölüşüb.

"Turaztv.az" "Unikal" -a istinadən xəbər verir ki, "dənizçilər"in çalışdırıcısı belə danışıb:

"Rəqib komandanı təbrik edirəm. Heyətlə bağlı müəyyən çatışmazlıqlarımız var. Təbii ki, bu amil bir qədər də çətinlik yaradır. Hücum xəttində "dişsizliyimiz" nəzərə çarpır. Düşünürəm ki, problemlərimiz həllini tapacaq. Qış fasiləsinə qədər gözləməliyik...

Komandaya hücumçu lazımdır. Danışıq apardığımız oyunçular var. Ad açıqlaya bilmərəm.

İndiki durumda qarşıdakı matç barədə düşünürük. Diqqətimizi növbəti turun oyunlarına yönəldəcəyik".