Samux rayonun Qiyaslı kənd orta məktəbinin fizika müəllimi vəfat edib.
Bununla bağlı Samux Rayon Təhsil Şöbəsi məlumat yayıb.

Bildirilib ki, İsmayılova Kifayət Asim qızı gənc yaşında ölüb.

Tanışları İsmayılova Kifayət Asim qızının həkim səhlənkarlığı səbəbindən rəhmətə getdiyini iddia edib:

“Bağırsağı partlayıb. Üç gün yatırıb deyiblər ki, heç nəyi yoxdur, evə buraxılacaq. Sonra halı pisləşəndə bildirilib ki, Bakıya aparmaq lazımdır, onların da başı çıxmayıb. Savadsız həkimlərin ucbatından gül kimi qız getdi”.

Müəlliminin ölümü ilə bağlı Tibbi Ərazi Bölmələrini İdarəetmə Birliyindən (TƏBİB) məlumat verilib.

Məlimatda bildirilir ki, Kifayət İsmayılovanını hansı səbəbindən ölməsi barədə araşdırma aparılır.(oxu.az)