Xəbərlər
28.09.2024, 22:50
Arif Musa : Qayıda bilmirəm kəndə haçandı - FOTO
Qayıda bilmirəm kəndə haçandı
Vəfasız çıxmışam, dönük çıxmışam,
Qayıda bilmirəm kəndə haçandı.
Bəzən ekranlardan kəndə baxmışam,
Yurda dönməyirəm xeyli zamandı.
Bir vaxtlar özünə çəkərdi hər gün,
Yaman qəribsəyib bu yollar mənə.
Şəhər gəncliyimi alıb əlimdən,
İndi utanıram qayıdam sənə.
Əvvəl şəhər çəkdi, sonra da itki,
Ayırdı qoynundan bu həyat məni.
İndi qayıdıram gec-gec olsa da,
Ayrılıq qoymayır rahat məni.
Bağışla, a yollar, bağışla məni,
İzim də qalmayıb, yuyub yağışlar.
Uşaqlıq oylağım - a yamac, a dağ,
Neyləsəm bu kəndim məni bağışlar?
Yəqin söyləyəcək kənd adamları:
Yurdunu tərk edən qayıtmalıdır.
Böyük şəhərlərə uyan gəncliyi
Zaman özü bir gün ayıltmalıdır.
Kəndi tərk eləyib gedən cavanlar,
Çalışın, deməyə sözünüz olsun.
Kəndə tez-tez gəlin, vəfalı olun,
Barı, qayıdanda üzünüz olsun.
Qayıda bilmirəm kəndə haçandı.
Bəzən ekranlardan kəndə baxmışam,
Yurda dönməyirəm xeyli zamandı.
Bir vaxtlar özünə çəkərdi hər gün,
Yaman qəribsəyib bu yollar mənə.
Şəhər gəncliyimi alıb əlimdən,
İndi utanıram qayıdam sənə.
Əvvəl şəhər çəkdi, sonra da itki,
Ayırdı qoynundan bu həyat məni.
İndi qayıdıram gec-gec olsa da,
Ayrılıq qoymayır rahat məni.
Bağışla, a yollar, bağışla məni,
İzim də qalmayıb, yuyub yağışlar.
Uşaqlıq oylağım - a yamac, a dağ,
Neyləsəm bu kəndim məni bağışlar?
Yəqin söyləyəcək kənd adamları:
Yurdunu tərk edən qayıtmalıdır.
Böyük şəhərlərə uyan gəncliyi
Zaman özü bir gün ayıltmalıdır.
Kəndi tərk eləyib gedən cavanlar,
Çalışın, deməyə sözünüz olsun.
Kəndə tez-tez gəlin, vəfalı olun,
Barı, qayıdanda üzünüz olsun.
Son xəbərlər
Ən çox oxunanlar
- Bu gün
- Bu həftə
- Bu ay
